Lëvizja Europiane në Shqipëri (EMA) është një organizatë e pavarur, jo fitimprurëse, që kombinon elementin e think tank-ut me instrumentat e advokimit. EMA është themeluar në shkurt të 2007, si përgjigje ndaj përpjekjeve në rritje të Shqipërisë për të avancuar në procesin e përgatitjes për anëtarësim në BE.

EMA e konsideron Integrimin Europian si përgjithësisht të dobishëm, por pranon se në shumë aspekte ky proces nuk funksionon siç duhet. Prandaj qëllimi jonë konsiston në promovimin e ideve të reja për përmirësimin e politikave në kuadër të procesit të zhvillimit të vendit.

EMA është një forum për shkëmbimin e pikëpamjeve mbi sfidat politikat, ekonomike dhe sociale me të cilat përballet vendi . Ne i përkushtohemi inkurajimit dhe forcimit të përvojave aktuale demokratike, duke promovuar këto vlera gjatë procesit politik-bërës, analizimit dhe zbatimit të politikave publike në vend.

Gjatë veprimtarisë së saj, EMA përpiqet ta bëj procesin e hartimit të politikave sa më transparent, të hapur dhe të përgjegjshëm ndaj interesin publik, duke ofruar sugjerime alternative që burojnë nga kërkimet bazuar në të dhëna faktike.

Fushat programatike të veprimtarisë së EMA-s janë:

•    Promovimi i vlerave Europiane dhe procesit të Integrimit Europian të Shqipërisë
•    Demokracia dhe Mirëqeverisja
•    Dimensionet ekonomiko - sociale të Integrimit Europian
•    Bashkëpunimi në Rajon

Duke patur parasysh nevojat dhe sfidat e shoqërisë shqiptare në këtë proces transformimi, si dhe njëkohësisht objektivat e EMA-s, puna jonë është përqëndruar në disa drejtime kryesore të tilla si: hulumtim shkencor, analiza dhe advokim; rritje të kapaciteteve profesionale dhe trajnime; debate publike dhe forume politike; si dhe zhvillim të mekanizmave të monitorimit mbi disa çështje me rëndësi të veçantë për publikun.

EMA është anëtare e European Movement International.(EMI).