Ora News – Deliu: Bllokimi te Raporti i IBAR-it, Polarizimi Politik dhe Gara në Rajon, 14 maj 2026

Në një intervistë të drejtpërdrejtë televizive, ekspertja për çështjet e integrimit europian, Znj. Nirvana Deliu, bëri një analizë të thelluar mbi situatën aktuale të Shqipërisë drejt rrugëtimit në BE n. Ajo theksoi se, ndonëse vendi ndodhet në fazën parafinalizuese të negociatave dhe ka hapur zyrtarisht të gjithë Grupkapitujt, procesi aktualisht ka ngecur te miratimi i raportit të IBAR-it (Interim Benchmark Assessment Report). Ky raport, i cili vlerëson përmbushjen e kritereve të ndërmjetme për kapitujt thelbësorë 23 – Gjyqësori dhe të Drejtat Themelore dhe 24 – Drejtësia, Liria dhe Siguria, është kusht i panegociueshëm për të ecur përpara me mbylljen e kapitujve të tjerë, pavarësisht progresit në fushat e tjera.

Sa i takon zhvillimeve të fundit, znj Deliu komentoi se  retorika e ashpër dhe polarizimi i theksuar mes mazhorancës dhe opozitës në Parlamentin shqiptar po dëmtojnë procesin teknik të integrimit, duke penguar axhendën voluminoze legjislative që kërkon miratimin e rreth 600 ligjeve deri në vitin 2027. Duke u ndalur te raportet e institucioneve të BE-së, ajo sqaroi se kritikat nga Parlamenti Europian evidentojnë ende problematika në shtetin e së drejtës dhe antikorrupsionin.

Sakaq në përfundim, Deliu vuri në dukje se Mali i Zi mbetet vendi më i avancuar në rajon drejt anëtarësimit, një fakt që duhet të shërbejë si nxitje për Shqipërinë që të kapërcejë vonesat dhe konfliktet e saj të brendshme politike.

Ora News – Deliu: Bllokimi te Raporti i IBAR-it, Polarizimi Politik dhe Gara në Rajon, 14 maj 2026